𑄸𑄶𑄸𑄶 𑄃𑄨𑄁𑄢𑄬𑄎𑄨 𑄥𑄧𑄚𑄧𑄢𑄴 𑄝𑄨𑄏𑄪

𑄸𑄶𑄸𑄶 𑄃𑄨𑄁𑄢𑄬𑄎𑄨 𑄥𑄧𑄚𑄧𑄢𑄴 𑄝𑄨𑄏𑄪

২০২০ ইংরেজী সনর বিঝু

by- S.R Chakma

𑄜𑄉𑄳𑄅𑄧𑄚𑄳𑄅𑄧 𑄃𑄞 𑄝𑄎𑄨 𑄉𑄬𑄣𑄬 𑄟𑄧𑄚𑄚𑄴 𑄉𑄧𑄢𑄬 𑄇𑄪𑄎𑄪𑄣𑄩 𑅁
ফাগোনো আভা বাজি গেলে মনান গরে হুজুলী ।
𑄇𑄖𑄴𑄖𑄳𑄅𑄧𑄣𑄴 𑄛𑄬𑄇𑄧𑄇𑄳𑄅𑄧 𑄔𑄉𑄨 𑄇𑄧𑄠𑄴 𑄝𑄨𑄏𑄪 𑄣𑄪𑄟𑄴𑄟𑄬𑄉𑄨 𑅁𑅁

কাট্টোল পেককো ডাকি হ'য় বিঝু লুঙ্গেগী ।
𑄝𑄨𑄏𑄪𑄢𑄴 𑄇𑄪𑄎𑄨 𑄇𑄢𑄨 𑄚𑄨𑄣𑄧 𑄇𑄢𑄳𑄅𑄧𑄚 𑄞𑄃𑄨𑄢𑄥𑄬 𑅁

বিঝুর হুজি হারি নিল করোনা ভাইরাসে ।
𑄟𑄧𑄚𑄧𑄢𑄴 𑄝𑄧𑄘𑄧𑄣𑄴 𑄟𑄧𑄚𑄴 𑄘𑄨𑄚𑄬𑄃𑄨 𑄇𑄘𑄬𑄘𑄧𑄋𑄴 𑄃𑄣𑄬𑄋𑄬 𑅁𑅁

মনর বদল মন দিনেই হাদেদঙ আল্যেঙে ।।
𑄝𑄪𑄢𑄧-𑄝𑄪𑄢𑄨 𑄙𑄧𑄢𑄴𑄟𑄧 𑄇𑄨𑄠𑄧𑄋𑄴 𑄢𑄧𑄣𑄧 𑄃𑄣𑄟𑄧𑄖𑄴 𑅁

বুড়-বুড়ি ধর্ম-হিয়্যঙ র'ল আলামত ।
𑄚𑄧𑄛𑄢𑄨𑄣𑄧𑄋𑄴 𑄝𑄧𑄢𑄴 𑄟𑄉𑄨𑄠𑄳𑄅𑄧𑄠𑄧 𑄖𑄢 𑄟𑄪𑄎𑄪𑄋𑄧𑄖𑄴 𑅁𑅁

ন'পারিলঙ বর মাগিয়োয় তারা মুজুঙত ।।
𑄸𑄶𑄸𑄶 𑄥𑄧𑄚𑄧𑄢𑄴 𑄝𑄨𑄎𑄪 𑄝𑄧𑄎𑄧𑄢𑄴 𑄃𑄨𑄘𑄳𑄅𑄧𑄖𑄴 𑄢𑄉𑄬𑄝𑄢𑄴 𑅁

২০২০'সনর বিঝু বজর ইদৎ রাগেবার ।
𑄃𑄬𑄟𑄧𑄚𑄴 𑄝𑄬𑄙𑄨 𑄘𑄨𑄣𑄧 𑄇𑄧𑄘𑄠𑄴 𑄘𑄢𑄪 𑄚𑄧𑄛𑄬𑄝𑄢𑄴 𑅁𑅁

এমন ব্যাধি দিল হ'দায় দারু ন'পেবার ॥
𑄟𑄧𑄚𑄚𑄴 𑄃𑄧𑄠𑄴 𑄃𑄣𑄳𑄅𑄧-𑄎𑄳𑄅𑄧𑄣𑄳𑄅𑄧 𑄃𑄨𑄘𑄳𑄅𑄧𑄖𑄴 𑄃𑄪𑄘𑄨𑄣𑄬 𑅁

মনান অয় অলো-জোলো ইদৎ উদিলে ।
𑄊𑄧𑄢𑄬 𑄊𑄧𑄢𑄬 𑄝𑄨𑄏𑄪 𑄎𑄪𑄇𑄧𑄇𑄳𑄅𑄧𑄣𑄴 𑄝𑄬𑄃𑄨𑄚𑄴𑄚𑄬 𑄃𑄪𑄘𑄨𑄣𑄬 𑅁𑅁

ঘরে ঘরে বিঝু জুক্কল বেইন্যে উদিলে ।।
𑄉𑄩𑄘𑄬 𑄢𑄬𑄋𑄬 𑄇𑄧𑄘𑄧𑄇𑄴 𑄇𑄘𑄬𑄠𑄴 𑄝𑄬𑄉𑄬 𑄟𑄨𑄣𑄨𑄚𑄬𑄃𑄨 𑅁

গীদে রেঙে হ'দক হাদেয় বেগে মিলিনেই ।
𑄚𑄎𑄬-𑄉𑄩𑄘𑄬 𑄟𑄧𑄚𑄴 𑄞𑄧𑄢𑄨𑄘𑄳𑄦𑄧 𑄘𑄪𑄇𑄴𑄇𑄚𑄨 𑄞𑄪𑄣𑄨𑄚𑄬𑄃𑄨 𑅁𑅁

নাচে-গীদে মন ভরিদ্ দুঃক্কান ভুলিনেই ।।
𑄜𑄬𑄃𑄨𑄌𑄴𑄝𑄪𑄇𑄬𑄘𑄨 𑄇𑄧𑄘 𑄃𑄧𑄃𑄨𑄠𑄬 𑄝𑄨𑄏𑄪𑄖𑄴 𑄟𑄨𑄣𑄨𑄝𑄢𑄴 𑅁

ফেইসবুকেদি হদা অইয়ে বিঝুত্‌ মিলিবার ।
𑄃𑄬𑄝𑄧𑄎𑄧𑄢𑄧𑄢𑄴 𑄝𑄨𑄏𑄪 𑄟𑄬𑄣𑄖𑄴 𑄥𑄧𑄟𑄢𑄬 𑄝𑄬𑄢𑄬𑄝𑄢𑄴 𑅁𑅁

এ'বজরর বিঝু মেলাত্‌ সমারে বেড়েবার ।।
𑄖𑄧𑄣𑄴𑄣𑄳𑄅𑄧𑄠𑄴 𑄟𑄧𑄢𑄴 𑄥𑄨𑄎𑄨 𑄟𑄚𑄴𑄚𑄬 𑄟𑄪𑄎𑄪𑄋𑄬 𑄥𑄨𑄢𑄬𑄝𑄧𑄋𑄴 𑅁

তল্লোয় মর সিজি মান্যে মুজুঙে সিরেবঙ ।
𑄃𑄬𑄎𑄬𑄖𑄴𑄖𑄬 𑄝𑄧𑄎𑄧𑄢𑄴 𑄝𑄨𑄏𑄪 𑄘𑄨𑄚𑄪𑄚𑄴 𑄥𑄧𑄟𑄢𑄬 𑄇𑄘𑄬𑄝𑄧𑄋𑄴 𑅁𑅁

এজেট্টে বজর বিঝু দিনুন্‌ সমারে হাদেবঙ ।।

𑄖𑄪𑄟𑄴